Liverpooli është rikthyer tek fitorja pas tri humbje radhazi në të gjitha garat, duke e mposhtur West Hamin në udhëtim me rezultat 0-2.

“The Reds” nisën më mirë ndeshjen, duke rrezikuar me Isak dhe Wirtz, por Areola reagoi si duhet.

West Ham provoi kryesisht nga krahët, me Boëen që ishte lojtari më aktiv i vendasve, por pa arritur të dëmtonte portën e Alisson. Me pak raste të pastra për gol, pjesa e parë u mbyll 0–0.

Liverpool zhbllokoi ndeshjen në minutën e 60-të kur Cody Gakpo asistoi bukur për Alexander Isak, i cili gjuajti saktë në këndin e poshtëm për 0–1.

Ëest Ham u përpoq të reagojë me disa pasime dhe tentativa të Bowen, por mbrojtja e Liverpoolit u tregua e sigurt.

Kur po luhej minuta e 84-të, londinezët mbeten me një lojtar më pak pasi Paqueta u ndëshkua me dy kartonë të verdhë brenda pak sekondave.

Epërsia numerike u shfrytëzua dhe në minutën e 90-të, Liverpool vulosi fitoren. Joe Gomez dërgoi një pasim të shkëlqyeshëm harkor në zonë dhe Cody Gakpo kontrolloi e goditi saktë në qendër të portës për 0–2.

Me këto tre pikë Liverpooli ngritët në pozitën e tetë me 21 pikë, derisa West Hami mbetet në pozitën e 17-të me 11 sosh.

Ndeshjen e radhës skuadra e Arne Slot e luan ndaj Sunderlandit kurse West Ham takohet me Man Unitedin./Arbresh.info