Kosova dhe Zvicra kanë luajtur baras 1-1 në ndeshjen e fundit të kampanjës kualifikuese për Kampionatin Botëror.

Pas 45 minutave rezultati ishte 0-0. Çfarë vlen të ceket në këtë pjesë të parë është se në stadiumin ‘Fadil Vokrri’ sa herë që po e prek topin është duke u vërshëllyer nga tifozët, shkruan Arbresh.info

Me të nisur pjesa e dytë, Vargas kaloi Zvicrën në epërsi pas një pakujdesie në mbrojtjen dardane.

Ai u gjend i vetëm me portierin Aro Muric të cilin e mposhti për 1-0.

Me të pësuar gol, Foda bëri disa ndryshime dhe e ndërroi sistemin e lojës, ku e ngjalli pak lojën.

Kosova tani ishte më kërkuese dhe arriti ta gjente golin e barazimit në minutën e 77-të, me një supergol të Florent Muslijës.

Deri në fund, Kosova tentoi edhe disa herë me anë të Baton Zabërgjës, Vedat Muriqit të cilët me ngulm po e kërkonin golin e fitores por nuk ia arritën dot.

Zvicra në minutën e 89-të, rrezikoi me Andi Zeqirin.

Me këtë barazim Zvicra ka 14 pikë dhe siguron pozitën e parë në grupin B kualifikues, vend ky i cili e dërgon në Kampionat Botëror.

Derisa Kosova ka siguruar pjesëmarrjen në play-off të Botërorit me 11 pikë.

Pas gjashtë ndeshjeve Sllovenia është e treta me katër pikë, kurse grupin e mbyll Suedia me dy sosh.

Kosova ndeshjen e radhës e luan në muajin mars në play-offin e Botërorit, teksa kundërshtarin e mëson të enjten./Arbresh.info