Enver Hoxhaj niset për në Hagë: Në mbrojtje të vlerës më të shenjtë, UÇK-së

10:32 | 14 Shtator 2025
E.G

Deputeti nga Partia Demokratike e Kosovës (PDK), Enver Hoxhaj, është nisur drejt Hagës, atje ku sot do të mbahet protesta e thirrur në mbrojtje të ish-presidentit të Kosovës, Hashim Thaçi, ish-kryetarët e Kuvendit, Kadri Veseli dhe Jakup Krasniqi, si dhe ish-deputetit Rexhep Selimi të cilët ndodhen në një proces të tejzgjatur gjyqësor në Dhomat e Specializuara të Kosovës.

Përmes një videoje të shpërndarë në faqen e tij zyrtare në Facebook, Hoxhaj ka treguar se po niset drejt Hagës për të mbrojtur vlerën më të shenjtë, Ushtrinë Çlirimtare të Kosovës, të cilët sollën lirinë e pavarësinë e Kosovës.

“Drejt Hagës, në mbrojtje të vlerës më të shenjtë, UÇK-së!”, ka shkruar ai në përshkrimin e videos./Arbresh.info/