Kryetari i Prishtinës, Përparim Rama ka reaguar pas dorëheqjes së Liburn Aliu nga posti i Ministrit të Infrastrukturës.

Me anë të një postimi në Facebook, Rama i ka shprehur mirënjohje Aliut për bashkëpunimin dhe korrektësinë, teksa u shpreh se largimi i tij është një humbje institucionale, përcjell Arbresh.info

Postimi i plotë:

Dua ti shpreh mirënjohjen time më të thellë Liburn Aliut, për bashkëpunimin e shkëlqyer dhe korrektësinë që tregoi gjatë gjithë kohës sa ishte Ministër i Infrastrukturës në raport me mua si Kryetar i Kryeqytetit.

Largimi i tij nga institucioni nuk është vetëm një humbje për institucionet, por për të gjithë ne që besojmë tek puna dhe idealet e larta të shërbimit publik.

I uroj suksese në çdo hap të ri dhe e falënderoj nga zemra për kontributin e tij të çmuar në zhvillimin e Kryeqytetit dhe në forcimin e unitetit tonë qytetar dhe kombëtar./Arbresh.info