Juventusi ka zhvilluar sot një raund të ri bisedimesh për Edon Zhegrovën, i cili vazhdon të mbetet një nga emrat kryesorë në listën e tyre të dëshirave.

Megjithatë, për “Zonjën e Vjetër” një faktor vendimtar është e ardhmja e Nico González, raporton Fabrizio Romano.

Futbollisti argjentinas është në radarin e Atlético Madrid, por ende nuk është arritur asnjë marrëveshje mes palëve.

Nga ana tjetër, Olympique de Marseille vazhdon të këmbëngulë fuqishëm për transferimin e yllit të Kosovës, duke e bërë garën edhe më të nxehtë.

Kujtojmë se Edon Zhegrova ka njoftuar se dëshiron të largohet nga Lille, dhe drejtuesit e klubit nuk e kanë penguar futbollistin kosovar.

Ai ka një kontratë që e mban të lidhur me klubin deri në qershor të vitit të ardhshëm, andaj klubi francez synon ta shes Zhegrovën këtë verë që të përfitojë para nga kartoni i tij.

Lille synon të përfitojë nga ylli dardan rreth 15-20 milionë euro. Kujtojmë se ai tek francezët u transferua në janar të vitit 2022 nga Baseli./Arbresh.info

🚨🇽🇰 Juventus had new round of talks for Edon Zhegrova today as he remains one of the names on shortlist.

For Juve, Nico González exit is key as Atlético are keen on him but nothing has been agreed yet.

OM keep pushing for Zhegrova. 🔵⚪️

🎥🇮🇹 https://t.co/fGiMmEWaMu pic.twitter.com/VqmifC5Hmf

— Fabrizio Romano (@FabrizioRomano) August 18, 2025