Ad Banner
Ad Banner
Ad Banner
Ad Banner

Arbër Zeneli vendimtar në fitoren e Elfsborgut ndaj Häckenit

16:45 | 3 Gusht 2025
D.H

Arbër Zeneli ka qenë heroi i Elfsborg në fitoren e sotme në udhëtim ndaj Häcken, duke realizuar golin e fitores në minutën e 87-të.

30-vjeçari hyri në fushë si zëvendësues në pjesën e dytë dhe arriti të ndryshojë rrjedhën e ndeshjes me një finalizim të bukur për rezultatin përfundimtar 1:2 në javën e 18-të të elitës suedeze.

Ky ishte goli i parë sezonal për Zenelin, i cili synon të rikthehet në formën e tij më të mirë pas një periudhe të vështirë me lëndime.

Në këtë takim, titullar ishte edhe vëllai i tij, Besfort Zeneli, i cili zhvilloi një paraqitje solide për 90 minuta.

Në portën e Häcken, gjithashtu për 90 minuta, qëndroi gardiani i kombëtares shqiptare, Etrit Berisha.

Me këtë fitore Elfsborgu ngritet në pozitën e tretë me 35 pikë./Arbresh.info

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm