Policia e Kosovës ka arrestuar sot katër zyrtar të Komunës së Gjakovës nën dyshimin për dallavere me prona.

Lidhur me këtë ka reaguar kryetari i kësaj komune, Ardian Gjini i cili është shprehur i befasuar nga arrestimet teksa theksoi se ngjarja ka shkaktuar shqetësim të kuptueshëm, transmeton Arbresh.info.

“Jam sinqerisht i befasuar me arrestimin e ish-kolegëve dhe kolegëve të mi. E shoh këtë arrestim si plotësisht të panevojshëm derisa kjo ngjarje ka shkaktuar shqetësim të kuptueshëm – si brenda institucionit, ashtu edhe në opinionin publik”, ka shkruar Gjini në Facebok.

“Jam i bindur në ndershmërinë dhe profesionalizmin e kolegëve dhe ish-kolegëve të mi. Prandaj, besoj se është e domosdoshme që Prokuroria të sqarojë qartë dhe publikisht për çfarë konkretisht po akuzohen ata – jo me terma të përgjithshëm si “shpërdorim detyre”, por me fakte konkrete. Qytetarët kanë të drejtë të informohen drejt, sidomos në një periudhë kaq të ndjeshme si kjo para zgjedhjeve”, shkroi tutje ai.

‘Gjithmonë kam besuar dhe besoj në drejtësi. Por është detyrë edhe e organeve të drejtësisë që ta mbrojnë sistemin nga çfarëdo ndërhyrje që e cenon besimin e qytetarëve në vet atë sistem. Të gjithë duhet t’i nënshtrohen sundimit të ligjit, e ligji duhet të jetë i drejtë”, shtoi Gjini./Arbresh.info

LEXO EDHE:

Arrestohen katër persona në Gjakovë, për keqpërdorim të pozitës zyrtare