Testime janë kryer mbi Urën e Ibrit në Mitrovicë të martën mirëpo Qeveria në detyrë nuk ka qenë e informuar se kush po i kryen ato.

Në një përgjigje për Arbresh.info, KFOR bën të ditur se personeli i një kompanie të kontraktuar nga Bashkimi Evropian ka kryer testimet teknike në urë.

“Personeli i angazhuar në testimet teknike të kryera në Urën e Mitrovicës është i një kompanie private të kontraktuar nga Bashkimi Evropian”, thuhet në përgjigje.

Në testimet e së martës ishin të angazhuar punëtorë të shumtë, kamionë të rëndë e pajisje të ndryshme.

Zëvendësministri në detyrë i Infrastrukturës, Hysen Durmishi, pati thënë se ministria ka kryer testimet vitin e kaluar.

Ndërkaq për testimet e 24 qershorit pati shtuar se “ne nuk jemi duke bërë kurrfarë testime dhe nuk jemi të informuar kush po bën testime në urë”./Arbresh.info/