Shërbimi Kërkim Shpëtim Malor i Kosovës të hënën ka ndërmarrë një operacion kërkimi për gjetjen e një qytetar, i cili është raportuar i humbur që nga orët e vona të 22 qershorit në Gorozhup të Prizrenit.

Në njoftimin e ShKShMK thuhet se pavarësisht përpjekjeve intensive, nuk është gjetur asnjë gjurmë e personit të humbur, transmeton Arbresh.info

Andaj operacioni i kërkimit është pezulluar për momentin, deri në grumbullimin e informacioneve të reja dhe të nevojshme.

Njoftimi i plotë:

Operacion Kërkimi për Person të Humbur në Gorozhup

Me datë 23.06.2025, Shërbimi Kërkim Shpëtim Malor i Kosovës (ShKShMK) ka ndërmarrë një operacion kërkimi për një qytetar, i cili është raportuar i humbur që nga orët e vona të datës 22.06.2025.

Një skuadër e ShKShMK-së, në koordinim të plotë me Policinë e Kosovës dhe banorët e fshatit, ka krehur një perimetër të gjerë në fshatin Gorozhup.

Fatkeqësisht, pavarësisht përpjekjeve intensive, nuk është gjetur asnjë gjurmë e personit të humbur.
Operacioni i kërkimit është pezulluar për momentin, deri në grumbullimin e informacioneve të reja dhe të nevojshme.

Informacione për Personin e Humbur:
* Emri: Nebi Tejeci
* Viti i lindjes: 1940
* Vendbanimi: Fshati Gorozhup
Çdo informacion që mund të ndihmojë në gjetjen e zotit Tejeci është i mirëpritur. Ju lutemi të kontaktoni Policinë e Kosovës ose ShKShMK-në nëse keni ndonjë të dhënë.
E drejta Autoriale: ShKShMK