Trajneri i Barcelonës, Hansi Flick, e do me çdo kusht transferimin e futbollistit anglez, Marcus Rashord tek katalanas.

Pas një gjysmësezoni fantastik tek Aston Villa dhe rikthimit në formë, Rashordi ka lënë gjurmë të Flick, duke marrë parasysh sistemin e lojës, që aplikon gjermani, shkruan Arbresh.info.

Sipas Fichajes, Flick i ka kërkuar bordit të Barcelonës që të punojë seriozisht për transferimin e sulmuesit të Anglisë, i cili mbush 27 vjeç këtë vit.

Manchester United nuk e konsideron më të “paprekshëm” dhe ka vendosur një çmim prej 47 milionë eurosh (rreth 40 milionë paund) për kartonin e tij, duke sinjalizuar se mund të jetë momenti i duhur për ndarje mes palëve.

? Hansi Flick pushing Barcelona to sign €47m forward. https://t.co/XTUZjEAOVj

— Transfer News Live (@DeadlineDayLive) May 29, 2025

Për Barcelonën, financat mbeten gjithmonë një sfidë, por mungesa e konkurrencës dhe hapja e Rashford ndaj një aventure të re në La Liga e bëjnë operacionin më të realizueshëm.

Rashford është i intriguar nga ideja për të punuar me një trajner që e vlerëson profilin e tij dhe kërkon të rikthehet në nivelet më të larta të futbollit evropian.

Ylli anglez luajti tek “Djajtë e Kuq” nga sezoni 2015/16, teksa nga janari i këtij viti deri në fund të këtij sezoni, u huazua tek Aston Villa, pasi nuk po gjente minutat që i donte./Arbresh.info