AS Roma ka bërë një përpjekje konkrete për të emëruar Cesc Fàbregas si trajnerin e ri të ekipit, por klubi italian Como ka refuzuar kategorikisht të lejojë largimin e tij.

Sipas raportimeve të Gianluca Di Marzio, drejtuesit e Romës zhvilluan një kontakt të drejtpërdrejtë me Comon më 24 maj për të diskutuar mundësinë e lirimit të Fàbregas, por përgjigjja nga klubi lombard ishte negative, shkruan Arbresh.info.

Como e konsideron Fàbregas një figurë qendrore në projektin e tyre teknik dhe nuk ka ndërmend të negociojë për largimin e tij.

Klubi është tashmë në përgatitje për sezonin e ardhshëm në Serie A me trajnerin spanjoll në krye.

#SerieA | #Roma, contatto diretto con il #Como per #Fàbregas: tentativo respintohttps://t.co/CZ6CYRgyKl

— Gianluca Di Marzio (@DiMarzio) May 25, 2025

Ky refuzim vjen pas një situate të ngjashme me Bayer Leverkusen, që gjithashtu kishte shprehur interes për Fàbregas, por nuk arriti të sigurojë shërbimet e tij.

Fàbregas ka një kontratë me Como-n deri në vitin 2028 dhe zotëron aksione në klub, çka e bën transferimin e tij edhe më kompleks .

Ndërkohë, Roma vazhdon kërkimin për pasuesin e Claudio Ranierit. Një nga opsionet që mbetet në lojë është Gian Piero Gasperini, me të cilin klubi ka pasur kontakte të mëparshme, por nuk përjashtohet as mundësia e orientimit drejt një kandidati tjetër./Arbresh.info