Kryetari i Aleancës për Ardhmërinë e Kosovës (AAK), Ramush Haradinaj, ka uruar Izraelin për shënimin e Ditës së Pavarësisë, ai ka marrë pjesë në ndejën e organizuara nga ambasada izraelite në Kosovë.

Me anë të në postimi në Facebook, ai ka deklaruar se sot nuk festojnë vetëm miqësinë mes dy popujve, por edhe shkuarjen e kosovarëve pa viza në Izrael.

“Njohja e Kosovës nga Izraeli erdhi në një moment vendimtar për forcimin e subjektivitetit ndërkombëtar të vendit tonë, duke shënuar një hap të rëndësishëm në avancimin e marrëdhënieve ndërmjet dy shteteve tona”, u shpreh ai.

“Sot, në Ditën e Pavarësisë së Shtetit të Izraelit, festojmë jo vetëm miqësinë mes dy popujve tanë, por edhe një arritje të re, heqjen e vizave për qytetarët e Kosovës, një akt që konfirmon raportet gjithnjë e më të ngushta dhe të shkëlqyera mes nesh! Urime Dita e Pavarësisë, Izrael”, ka thënë Haradinaj./Arbresh.info/