Krasniqi uron Papën e ri: Zgjedhja e tij shënon një moment historik dhe të veçantë për Kishën Katolike

20:45 | 8 Maj 2025
E.G

Kreu i Partisë Demokratike të Kosovësv (PDK), Memli Krasniqi ka uruar Papa Leo XIV, Papa i parë amerikan për zgjedhjen e tij si udhëheqës i Kishës Katolike.

Me anë të një postimi në Facebook, ai uroi besimtarët katolikë në vendin tonë, si dhe për gjithë komunitetin katolik në mbarë botën, shkruan Arbresh.info.

“Uroj Kardinalin Robert Prevost – tashmë Papa Leo XIV, Papa i parë amerikan në histori, për zgjedhjen e tij si udhëheqës i Kishës Katolike. Në emrin tim dhe të Partisë Demokratike të Kosovës, shpreh urimet më të përzemërta dhe të sinqerta për Ipeshkvinë e Kosovës, për besimtarët katolikë në vendin tonë, si dhe për gjithë komunitetin katolik në mbarë botën.”, tha ai.

“Zgjedhja e tij shënon një moment historik dhe të veçantë për Kishën Katolike. Uroj që pontifikati i tij të hapë një epokë të re paqeje, shprese dhe uniteti, në shërbim të besimit, drejtësisë dhe afrimit mes popujve.”, shtoi Krasniqi./Arbresh.info/