Arrestohen katër të dyshuar për tentim vrasje në Prishtinë

17:16 | 4 Maj 2025
D.H

Të shtunën nga zyrtarët policor të kryeqytetit, janë arrestuar katër persona të dyshuar për rastin “Vrasje në tentativë”.

Ngjarja ka ndodhur rreth orës 23:30, në rrugën “Lidhja e Prizrenit” në Prishtinë , me ç’ rast, një nga viktimat kishte pësuar lëndime trupore nga një mjet i mprehtë, përderisa të tjerët si rezultat i përleshjes.

Ndërkohë që kanë vazhduar veprimet hetimore të policisë, janë identifikuar dhe arrestuar të dyshuarit;

B, mashkull, 19 vjeç, shtetas i Republikës së Kosovës,

K, mashkull, 19 vjeç, shtetas i Republikës së Kosovës,

XH, mashkull, 18 vjeç, shtetas i Republikës së Kosovës, si dhe

A, mashkull, 18 vjeç, shtetas i Republikës së Kosovës,

Ndaj të cilëve policia ka iniciuar një hetim në drejtim të veprave penale “Vrasja në tentativë” si dhe “Lëndim i rëndë trupor” dhe me aktvendim mbi ndalimin e personit të dyshuar, të nxjerrë nga ana e prokurorit të shtetit, të njëjtit janë dërguar në mbajtje prej 48 orësh.