Presidentja e Kosovës, Vjosa Osmani së bashku me Presidentin e Republikës së Shqipërisë, Bajram Begaj, kryen sot homazhe pranë trupit të Papa Françeskut në Bazilikën e Shën Pjetrit në Vatikan, në një ceremoni ku marrin pjesë drejtues shtetesh, klerikë dhe besimtarë nga e gjithë bota.
Gjatë homazheve për Atin e Shenjtë, Presidenti i Republikës, Bajram Begaj, shoqërohej nga katër përfaqësuesit e komuniteteve fetare shqiptare, atij mysliman, ortodoks, katolik dhe bektashi, një dëshmi e vëllazërisë mes besimeve dhe tolerancës fetare, të cilën Papa Françesku e ka çmuar edhe gjatë vizitës së tij në Shqipëri.
Në ceremoninë e nderimit të Papa Françeskut, krah Presidentit të Republikës ishin Presidentja e Kosovës Vjosa Osmani, kardinali Ernest Simoni, Kreu i Kishës Ortodokse Autoqefale, Fortlumturia e Tij, Joan Pelushi, Kreu i Kishës Katolike, Imzot Arjan Dodaj, Arqipeshkvi i Kryedioqezës së Tiranë-Durrësit, Kryetari i Komunitetit Mysliman të Shqipërisë, H. Bujar Spahiu, Kryegjyshi Botëror i Bektashinjve, Haxhi Dede Baba Edmond Brahimaj, Kreu i Këshillit Ndërfetar të Shqipërisë, Gent Kruja, e të tjerë.
Bashkëshortja e Edi Ramës, Linda: Gatuaj vetë, nuk kam dado ...
Ish-drejtori i FBI nën hetim për postimin e konsideruar si k...
Profesoresha e Universitetit të Prizrenit e denoncon në poli...
Ancelotti: Barcelona e meritoi titullin e La Ligës
Osmani feston ditëlindjen, merr urimin e veçantë nga bashkës...
Granit Xhaka fillon të mendoj për kalimin te Galatasaray – z...