Lajmin për njohjen e shtetit të Kosovës nga shteti i Kenias e bëri të ditur politikani dhe ish -presidenti i Kosovës, Behgjet Pacolli, të mërkurën një nga lobuesit kryesorë të Kosovës në arenën ndërkombëtare.

Kenia ka thyer boshllëkun diplomatik për njohjet e reja të Kosovës, duke u bërë shteti i 118 që pranon pavarësinë e saj, të shpallur më 2008.

Në lidhje me këtë ngjarje, mediumi Arbresh.info ka realizuar disa vox-pop me qytetarët, të cilët kanë komentuar këtë njohje.

Ata kanë shprehur mirënjohje për ish-presidentin Behgjet Pacolli, por kanë kritikuar ashpër ministren e Punëve të Jashtme të Kosovës, Donika Gërvallën.

Përmes komenteve të tyre, qytetarët theksuan se Gërvalla nuk ka realizuar asnjë bisedë të frytshme për Kosovën.

“Çdo njohje është shumë e mirë edhe shumë e nevojshme për Kosovën. Por për këtë njohje merita qind për qind i ka vetëm Behgjet Pacolli, në asnjë mënyrë Donika. Ajo nuk ka bërë asgjë, ku ka shkuar ajo Kosovën e ka qit në pozitë shumë të keqe e ka korit në njëfarë mënyre. Ajo nuk ka bërë asnjë bisedë të volitshme për Kosovën vetëm skandale ka bërë, kurse Behgjet Pacolli është kontribuues i jashtëzakonshëm që nuk ndalet asnjëherë, ai ka shumë marrëdhënie të mira. Çdo shqiptarë duhet ta dijë që kjo është mërit e Behgjet Pacollit, edhe i lumtë”, tha ky qytetar./Arbresh.info/