Dogana e Kosovës njofton se në bashkëpunim me Policinë e Kosovës kanë parandaluar një rast të kontrabandimit me mallra në magjistralen Viti-Ferizaj, saktësisht në fshatin Komogllavë.

Në njoftim thuhet se janë kapur 472 copë pajisje për heqjen e flokëve dhe mjekrës të cilat kapin vlerën e rreth 5 mijë euro, përcjell Arbresh.info

“Gjatë patrollimit në magjistralën Viti-Ferizaj, gjegjësishtë në fshatin Komogllavë, është ndaluar automjeti Opel vivaro me targa vendore te cilin e ngiste shtetasi Kosovar, mashkull, P.P i moshës 39 vjeçare dhe kishte të ngarkuara 472 copë Maqina për qethje dhe rrojë, për të cilat personi ne fjalë nuk posedonte dokumentacion përkatës dhe të njëjtat i kishte sjellur rrugëve ilegale nga Republika e Maqedonisë Veriore. Vlera e përafërt e mallit është rrethë 5000 euro, kurse shmangjet nga taksat afër 1000 euro”, thuhet në njoftim.

Malli dhe automjeti janë konfiskuar ndërsa rasti shkon në procedurë të rregullt./Arbresh.info