Trent Alexander-Arnold do të largohet nga Liverpooli në fund të sezonit, pasi lojtari ende nuk ka pranuar vazhdimin e kontratës.

Palët po diskutojnë për një kontratë të re, megjithatë ende nuk ka një marrëveshje dhe Alexander-Arnold mund të largohet në verë si lojtar i lirë.

Ylli anglez duket se dëshiron transferimin te Real Madridi, derisa Liverpooli po shikon qysh tani zëvendësuesin e tij.

Sky Sport Germany ka raportuar se anësori holandez i Bayer Leverkusen, Jeremie Frimpong është objektivi kryesor i The Reds për krahun e djathtë të mbrojtjes.

Liverpooli e ka përcjell prej kohësh holandezin dhe në verë pritet të bëjë hapa konkret për transferimin e tij.

Megjithatë gara është e madhe për Frimpong, për t’i siguruar shërbimet e tij Liverpooli duhet të paguajë rreth 50 milionë euro.

Në 40 ndeshje zyrtare këtë eidicon, Frimpong ka shënuar katër gola dhe ka asistuar në 11 të tjerë. /Telegrafi/