Donald Trump e ka humbur edhe një betejë ligjore në raport me Agjencisë Amerikane për Zhvillim Ndërkombëtar (USAID).

Gjykata Supreme, me një rezultat të ngushtë, urdhëroi të mërkurën administratën Trump të zbatojë vendimin e një gjykate federale për zhbllokimin e pagesave për ndihmat e huaja.

Sipas “ABC News”, administrata e presidentit Donald Trump duhet të paguajë rreth dy miliardë dollarë për organizatat jofitimprurëse për punët e kryera deri më tani.

Gjykata vendosi me rezultat 5:4 në favor të zhbllokimit të pagesave për ndihmat ndërkombëtare, transmeton telegrafi.

Më 24 janar, Departamenti i Shtetit të SHBA-së kishte urdhëruar ngrirjen e financimeve të reja për shumicën e programeve të ndihmës ndërkombëtare amerikane, si pjesë e përpjekjeve të presidentit amerikan për t’i përshtatur këto programe me objektivat e tij të politikës së jashtme.

Ndryshe, këto programe zbatohen kryesisht USAID-it, e cila ka investuar mbi 1 miliard dollarë në zhvillimin e Kosovës që nga viti 1999.