Policia e Shtimes ka marrë një informacion për një 23-vjeçar që po mbante një armë zjarri në fshatin Petrovë.

Menjëherë pas këtij informacioni, njësiti i hetimeve ka ndërmarrë veprimet e nevojshme dhe ka gjetur një revole tek i dyshuari, e cila është sekuestruar.

I dyshuari është shoqëruar në stacionin policor për intervistim dhe procedura të mëtejshme.

Rasti është referuar tek Prokurori i Shtetit, i cili ka iniciuar procedurat ligjore për veprën penale “Mbajtja në pronësi, kontroll ose posedim të paautorizuar të armëve”. Pas përfundimit të intervistës, i dyshuari është liruar në përputhje me vendimin e prokurorit.

“Policia Rajonale e Ferizajt mbetet e përkushtuar për sigurinë dhe rendin publik dhe fton qytetarët të bashkëpunojnë duke raportuar çdo aktivitet të dyshimtë”, thuhet në njoftim./Arbresh.info