Nesër do bëhet ceremonia e pranimit të serverëve dhe pajisjeve përcjellëse për Qendrën e Numërimit dhe Rezultateve (QNR), si donacion i Qeverisë së Gjermanisë përmes OSBE-së.

Kështu ka bërë të ditur Komisioni Qendror i Zgjedhjeve (KQZ), raporton Arbresh.info.

Sipas këtij njoftimi, aktiviteti do mbahet në orën 10:00, në Qendrën e Numërimit dhe Rezultateve (QNR), në Zonën Industriale në Fushë Kosovë dhe ka për qëllim modernizimin e mëtejshëm të infrastrukturës së KQZ-së dhe është vazhdimësi e procesit të digjitalizimit të operacioneve zgjedhore.

“Ju njoftoj se nesër (e mërkurë, 5 shkurt 2025) Komisioni Qendror i Zgjedhjeve organizon ceremoninë e pranimit të serverëve dhe pajisjeve përcjellëse për Qendrën e Numërimit dhe Rezultateve (QNR), si donacion i Qeverisë së Gjermanisë përmes OSBE-së. Ky aktivitet ka për qëllim modernizimin e mëtejshëm të infrastrukturës së KQZ-së dhe është vazhdimësi e procesit të digjitalizimit të operacioneve zgjedhore”, thuhet në njoftim.

Në këtë ngjarje do të marrin pjesë dhe do të mbajnë fjalë rasti kryesuesi i KQZ-së, Kreshnik Radoniqi; Ambasadori i Gjermanisë në Kosovës, Jörn Rohde, si dhe UD Shefja e Misionit të OSBE-së në Kosovë, Cornelia Taylor. /Arbresh.info/