Forca e Sigurisë së Kosovës (FSK) po merr pjesë me një kontingjent në ushtrimin ndërkombëtar “Combined Resolve 25”, i cili po zhvillohet në bazën ushtarake amerikane në Hohenfels, Gjermani.
Sipas njoftimit nga FSK-ja, ky ushtrim ka për qëllim testimin dhe vlerësimin e gatishmërisë së njësive luftarake të NATO-s, si dhe përgatitjen e shteteve partnere për operacione të përbashkëta dhe ndërveprim.
“FSK i është bashkuar ushtrimit me ftesën e Ushtrisë Amerikane, duke synuar ngritjen profesionale, forcimin e ndërveprimit me shtetet partnere dhe rritjen e gatishmërisë për të vepruar në një mjedis të kombinuar shumëkombësh. Gjithashtu, pjesëmarrja në “Combined Resolve 25″ ofron mundësinë për shkëmbimin e përvojave me forcat ushtarake të shteteve të NATO-s, dhe partnere pjesëmarrëse në ushtrim”, thuhet në njoftimin nga FSK-ja.
Ndër tjerash thuhet se ky angazhim pasqyron përkushtimin e FSK-së për të kontribuar në sigurinë dhe stabilitetin në nivel ndërkombëtar, si dhe për të avancuar aftësitë operacionale sipas standardeve më të larta ushtarake./Arbresh.info/
Musk në politikë, ekspertët skeptikë: Partia Amerikane s’ka ...
Tensionet në Theth, sipërmarrësi: Nuk e lëshoj tokën pa gjak...
Deklarata që i kushtoi shtrenjtë… Bill Gates është sot 51 mi...
Osmani dekoron me medalje bashkatdhetarët në SHBA, që kontri...
Macroni kundër tarifave të SHBA-së ndaj BE-së
Analistët: Dështimi për të respektuar afatin çon në shkelje ...