Ka vdekur sot në Qendrën Klinike Universitare të Kosoës (QKUK) një 60 vjeçar i cili është goditur nga vetura dje në Prizren.

Lajmin për Arbresh.info e bëri të ditur zëdhënësi i Policisë së Kosovës pëe Rajonin e Prizrenit, Shaqir Bytyqi.

“Me datë 05.01.2025, në Prizren ka ndodhur një aksident trafiku. Dyshohet se deri te aksidenti ka ardhur deri sa ngasësi i dyshuari drejtonte veturën me targa sllovene , dhe ishte duke lëvizur në rrugën “Ekrem Rexha”, në drejtimin  të lagjes Arbana, godet  këmbësorin i cili ishte duke e kaluar rrugën nga ana e majtë në të djathtë, jashtë vendkalimit të shënuar të këmbësorve. Këmbësori goditet me pasqyrën e majte të veturës që po lëvizte në shiritin e majtë të rrugës me dy shirita në një kahje. Si pasojë këmbësori pëson lëndime të rënda trupore, i cili dërgohet në Emergjencën e Spitalit të Prizrenit, nga ku pastaj është dërguar në QKUK në Prishtinë për trajtim të mëtutjeshëm, për shkak të lëndimeve të rënda trupore.”, ka thënë ai.

Bytyqi tha se për rastin në fjalë është njoftuar Prokurori Kujdestar, i cili ka urdhëruar që ngasësi i dyshuar( V.S. 1987) të dergohet në mbajtje.

Ndërsa, me urdhër të prokurorit trupi I pa jetë dërgohet për egzminim në Institutin e Mjekësisë Ligjore./Arbresh.info/