Aleanca Kosovare e Bizneseve ka shprehur falënderimet për Ambasadorin e ShBA-ve në Kosovë, Jeff Hovenier me rastin e përfundimit të mandatit të tij.

Sipas AKB-së, ambasadori amerikan ka dhënë një një kontribut të jashtëzakonshëm për zhvillimin e ekonomisë kosovare, diplomacinë dhe mbështetje të vazhdueshme për integrimin e Kosovës në strukturat Euro-Atlantike, shkruan Arbresh.info.

“Në emër të Aleancës Kosovare të Bizneseve dhe të gjithë komunitetit të biznesit kosovar, dëshiroj të shpreh falënderimet më të sinqerta për Ambasadorin e ShBA-së në Kosovë, z. Jeff Hovenier, me rastin e përfundimit të mandatit të tij.”,  thuhet në njoftim.

“Gjatë qëndrimit të tij në Kosovë, Ambasadori Hovenier ka dhënë një kontribut të jashtëzakonshëm për zhvillimin e ekonomisë kosovare, diplomacinë dhe mbështetje të vazhdueshme për integrimin e Kosovës në strukturat Euro-Atlantike. Puna e tij ka pasur një ndikim të thellë në forcimin e marrëdhënieve ndërkombëtare dhe në avancimin e interesave të Kosovës në arenën globale.”, thuhet tutje.

Aleanca Kosovare e Bizneseve ka shprehur mirënjohje për përkushtimin dhe mbështetjen e tij në ndihmën ndaj sektorit privat dhe avancimin e klimës së biznesit në Kosovë.

“Po ashtu, jemi të sigurt se kontributi i tij do të vazhdojë të ndihmojë në realizimin e projekteve dhe iniciativave që i shërbejnë zhvillimit të Kosovës.”, ka shkruar AKB.

Gjithashtu u theksua që Ambasadori Hovenier do të mbetet një mik dhe mbështetës i rëndësishëm i Kosovës.

Tutje, ambasadorit Hovenier i është uruar suksese në çdo hap të ardhshëm.

“Faleminderit, Ambasador Hovenier, për gjithçka që keni bërë për Kosovën dhe për të gjithë qytetarët e saj!”, thuhet tutje. /Arbresh.info/