Pas mbledhjes së Kryesisë së kuvendit, LDK dhe AAK kanë deklaruar se nuk do ta votojnë buxhetin për vitin 2025, e cila do të diskutohet të hënën e ardhshme në Kuvendin e Kosovës.

Këtë, shefja e Grupit Parlamentar të LVV-së, Mimoza Kusari – Lila nuk e sheh si problem teksa thotë se mund të arrijnë të miratojnë ligje edhe pa opozitën për shkak të shumicës parlamentare që posedojnë.

“Nuk është asgjë e re, në fakt nëse e shikoni paternin e partive të opozitës në asnjë nga të gjitha miratimet që kanë ndodhur në këtë legjislaturë s’ka marrë pjesë. Ne po, e kemi shumicën parlamentare, siç e keni parë edhe javën e kaluar në votimet e thjeshta arrijmë të miratojmë ligje dhe vendime të tjera. Për opozitën nuk kam çka të them, kanë vendosur një rrugë tjetër, është çështje e vendimmarrjes së tyre”, deklaroi Kusari – Lila në konferencën për media.

Ndryshe, Kryesia e Kuvendit ka vendosur që më 11 nëntor (e hënë) me fillim nga ora 10:00 do të mbahet seanca plenare ku në rend të ditës është vetëm një pikë, ajo e buxhetit për vitin 2024./Arbresh.info