Në Gjykatën Themelore në Prishtinë ka vazhduar edhe sot seanca e shqyrtimit gjyqësore ndaj Andi Pajaziti, i cili akuzohet për vrasjen e Kastriot Ramadanit, më 4 gusht 2023, në lokalin “Bon Vivant” në kryeqytet.

Pajaziti është sjellë në seancë nën masa të rrepta sigurie, raporton Arbresh.info.

Në sallë po qëndrojnë familjarët e viktimës, e po ashtu edhe familjarët e të akuzuarit.

Ndryshe, Prokuroria Themelore në Prishtinë më 21 qershor 2024 ka ngritur aktakuzë ndaj Andi Pajazitit lidhur me vrasjen e 4 gushtit 2023 në lokalin “Bon Vivant”.

Pajaziti ngarkohet për veprën penale “Vrasje e kryer në gjendje të tronditjes së fortë mendore” pasi që sipas Prokurorisë nga tronditja që kishte marrë prej tani të ndjerit K.R., i akuzuari pa fajin e tij dhe pa menduar për pasojat e kishte nxjerrë armën dhe kishte shtënë në drejtim të K.R./Arbresh.info/