Manchester City ka realizuar fitore me rezultat 3-2 ndaj Fulhamit në kuadër të xhiros së shtatë.

Mysafirët e nisën ndeshjen më mirë duke realizuar me anë të Pereiras në minutën e 26-të, shkruan Arbresh.info.

Kurse nuk vonoi reagimi i Cityt, ku pas gjashtë minutash barazoi Kovacic.

I njëjti lojtar shënoi golin e dytë personal dhe i dha epërsinë Manchester Cityt për herë të parë në ndeshje, dy minuta pas nisjes së pjesës së dytë.

Jeremy Doku realizoi një gol fantastik në minutën e 82-të, për rezultatin 3-1.

Kurse, Fulham shënoi shtatë minuta më vonë për të ngushtuar epërsinë me anë të Rodrigo Munizit.

Deri në fund gola nuk pati dhe skuadra e Pep Guardiolës arkëtoi tre pikët e radhës.

Falë kësaj fitore City ka 17 pikë dhe ndodhet në vendin e dytë në tabelë kurse Fulham është i gjashti me 11 sosh./Arbresh.info