Barcelona e ka nisur mbarë sezonin e ri 2024/25 nën drejtimin e trajnerit të ri gjerman, Hansi Flick.

Në 10 ndeshjet e para të stinorit, ata kanë shënuar tetë fitore teksa kanë pësuar edhe dy humbje, shkruan Arbresh.info.

Disfata e parë erdhi nga Monaco në Ligën e Kampionëve kurse këtë fundjavë që lamë pas u mposhtën nga Osasuna në La Liga.

Krahas këtyre dy humbjeve, puna e madhe e Flick po lavdërohet edhe nga presidenti i Barcelonës, Joan Laporta.

Ai tha se të gjithë e duan gjermanin, teksa dha një koment të shkurtër edhe për Real Madridin.

“Flick e studionte prej kohësh Barcelonën, është ende duke u përshtatur. Të gjithë e duan, të vazhdojmë kështu, hap pas hapi. Real Madrid? Nuk më interesojnë, shikojmë rezultatet tona”, tha Joan Laporta.

Barça sfidën e radhës e luan ndaj Alavesit të dielën me fillim nga ora 16:15.

Kujtojmë se të drejtuarit e Hansi Flick kryesojnë në tabelën e La Ligas me 21 pikë, tri më shumë se ndjekësi i parë Real Madrid./Arbesh.info