Kryeministri i Kosovës, Albin Kurti, i shoqëruar nga Shefi i Misionit të Kosovës në Poloni, ambasadori Drilon Gashi, u takua me drejtorin e Fondacionit Casimir Pulaski, Zbigniew Pisarski.
I themeluar në vitin 2005, Fondacioni Casimir Pulaski është një institut i pavarur, që kryen punë kërkimore mbi aspekte të ndryshme të sigurisë evropiane dhe transatlantike, me fokus të veçantë në Evropën Qendrore dhe Lindore. Fondacioni Casimir Pulaski është gjithashtu organizatori kryesor i konferencës së Forumit të Sigurisë në Varshavë, e cila që nga viti 2014 mbledh çdo vit mbi 1500 palë të interesuara nga më shumë se 60 vende për të diskutuar e hulumtuar rreth sfidave të përbashkëta të sigurisë.
Zyra e Kryeminoistrit njofton se Kurti e falënderoi Pisarski për ftesën për pjesëmarrje në këtë edicion të Forumit të Sigurisë të Varshavës, duke vlerësuar diskutimet e zhvilluara në kuadër të sesioneve e paneleve, takimet e frytshme bilaterale dhe shkëmbimet mbi temat që prekin sigurinë rajonale e evropiane.
“Theksoi se është shumë e rëndësishme prania në forume të tilla, për të treguar lidhjen e ngushtë strategjike mes Kosovës dhe Polonisë për çështjet e sigurisë, politikës së jashtme e më gjerë”, njofton ZKM-ja./Arbresh.info/




Operacion kërkim-shpëtimi në majën e Hajlës për një bjeshkat...
“Përcolla botërisht shqetësimin për maskaradën e drejtësisë ...
Promovim i turizmit, Edi Rama ndan pamje nga lumi Vjosa
Rusia bombardon Kievin me raketa balistike, plagosen një gru...
Ronaldo thyen heshtjen pas bojkotit dhe zbulon të ardhmen e ...
Hyri ilegalisht në Kosovë nga Serbia, policia ndalon një per...