Bazuar në Strategjinë e Integruar të Policisë, e drejtuar nga intelegjenca dhe policimi në bashkësi, Drejtoria Rajonale e Policisë në Prishtinë, nën udhëheqjen e Drejtorit Rajonal, Nënkolonel Basri Shabani, organizoi një takim me përfaqësuesit e Drejtorive të Arsimit të Komunave dhe Drejtorët e shkollave rë mesme të rajonit të Prishtinës.

Së këtë takim, Drejtori Rajonal i Policisë, Nënkoloneli Basri Shabani, njoftoi pjesëmarrësit për implementimin e projekteve të përbashkëta dhe aktivitetet policore që po zhvillohen në të gjitha shkollat e rajonit të Prishtinës, që kanë qëllim parandalimin e sjelljeve negative në ambientet shkollore.

Pas rekomandime konkrete, rreth projekteve të përbashkta në këtë takim, të pranishmit u pajtuan për thellimin e bashkëpunimit, me qëllim të rritjes së sigurisë në shkollat e rajonit të Prishtinës dhe promovimit të mjedisit më të sigurtë për të gjithë.

Drejtori Rajonal i Policisë së Prishtinës, theksoi rëndësinë e këtij bashkëpunimi dhe i siguroi të pranishmit se Policia do të vazhdojë të kujdeset për sigurinë në shkolla./Arbresh.info/