Qeveria e Republikës së Kosovës sot ka mbajtur mbledhje elektronike, në të cilën ka marrë disa vendime.

Në mesin e tyre ka ndarë edhe 219,000.00€ për organizimin e Forumit Ekonomik në Paris dhe promovimin e teknologjisë së informacionit me qëllim të tërheqjes së investimeve në kuadër të kësaj fushe, përmes organizatave lidere gjatë javës së TIK/ICT.

Po ashtu, në këtë mbledhje Qeveria ka emërtuar Rrugën Rajonale R-217 segmenti: Ballaban – Banjskë, me emrin e Heroit të Republikës së Kosovës “Afrim Bunjaku”.

Përmes një njoftimi për media nga Qeveria e Kosovës, bëhet e ditur se në këtë mbledhje është ndryshuar dhe plotësuar Vendimin e Qeverisë Nr. 06/56 të datës 26 janar 2022, i ndryshuar dhe plotësuar me vendimin e Qeverisë Nr.02/184 të datës 15 janar 2024. Sipas këtij plotësim-ndryshimi Gëzim Paci bëhet kryesues i Bordit të Postës së Kosovës.

“Është emëruar Genc Metaj në pozitën e Drejtorit Ekzekutiv në Agjencinë për Menaxhimin e Emergjencave. Është emëruar Komisionit ad-hoc për Vlerësimin Profesional për Pranim për Pozitën e Lartë të Kategorisë Drejtuese: Drejtor i Përgjithshëm në Institutin e Kosovës për Administratë Publike”, thuhet në njoftim.

“Është aprovuar Rregulloren për Vlerësimin e Rezultateve në Punë. Është aprovuar Rregulloren për Procedurat e Konkurrimit për Nëpunësit Teknik dhe Mbështetës. Është aprovuar Rregulloren për Pezullimin nga Marrëdhënia e Punës. Është aprovuar Rregulloren për Përfundimin e Marrëdhënies së Punës në Shërbimin Civil”, përfundon njoftimi./Arbresh.info/