Kamala Harris dhe Partia Demokratike mblodhën 361 milionë dollarë në gusht, duke shënuar një epërsi të qartë financiare ndaj kandidatit republikan për president, Donald Trump, dy muaj përpara ditës së zgjedhjeve.

Siç njoftoi stafi i Harris të premten, Harris ka 404 milionë dollarë kapital. Fushata e Trump tha të mërkurën se ish-presidenti dhe Partia Republikane mblodhën 130 milionë dollarë në gusht, në total 295 milionë dollarë në fund të muajit.

Të dy kandidatët do të shpenzojnë një total prej më shumë se 1 miliard dollarë në këtë fushatë, duke thyer rekorde.

Megjithatë, një test kyç për të dy kandidatët do të jetë debati televiziv i së martës, i pari që kur presidenti Joe Biden u largua nga gara dhe emëroi Zëvendës Presidenten Harris si pasuese të tij më 21 korrik./abcnews.al