Vizita e drejtorit të Agjencisë Qendrore të Inteligjencës, Wlliam Burns është një nder për Kosovën dhe lajm i mirë për sigurinë, kështu thotë kryetari i Aleancës për Ardhmërinë e Kosovës (AAK), Ramush Haradinaj.

Haradinaj me anë të një postimi në Facebook, ka shkruar se për vendin është jetike integrimi në familjen euroatlantike dhe se aleanca me Amerikën sipas tij është e përjetshme.

Kreu i AAK-së ka shkruar edhe për Kurtin, ku ka thënë se askush nuk mund ta rrezikojë aleancën e Kosovës me Amerikën.

‘Institucionet e Kosovës duhet të qëndrojnë të palëkundura për aleancën me Amerikën. Takimet e drejtorit z. Burns me udhëheqësit e institucioneve, janë lajm i mirë për Kosovën. Sa i përket Kurtit dhe agjendës së tij, i’a lëmë kohës ta dëshmojë, por askush nuk mund ta rrezikojë aleancën e Kosovës me Amerikën. Ajo është e përjetshme dhe jetike”, ka shkruar Haradinaj./Arbresh.info/

LEXO EDHE:

Përfundon takimi i shefit të CIA-s me kryeministrin Kurti