Ministrja e Drejtësisë, Albulena Haxhiu ka njoftuar se 100 noterë të rinj i janë shtuar Kosovës.

Haxhiu në një postim në Facebook, ka theksuar se për shkak të mosplotësimit të kushteve, emërimi i gjashtë kandidatëve të tjerë për noter është refuzuar, shkruan Arbresh.info

Provimin e Noterisë, ministrja e ka cilësuar si një nga proceset më transparente e profesionale të organizuar ndonjëherë.

Postimi i plotë pa ndërhyrje:

100 noterë të rinj iu shtuan vendit tonë me ç’rast sot kam nënshkruar edhe vendimet për emërimin e tyre, ndërsa për shkak të mosplotësimit të kushteve emërimi i 6 kandidatëve të tjerë për noter është refuzuar.

Vendimet do të publikohen të hënën në ëebfaqen e Ministrisë së Drejtësisë.

Për shkak të përvojave të hidhura në të kaluarën, ky proces i Provimit të Noterisë ka qenë ndër proceset më transparente e profesionale të organizuara ndonjëherë. Me përzgjedhjen e 100 noterëve të rinj kemi dëshmuar që edhe mund t’i përmbushim nevojat e qytetarëve por edhe meritokracinë.

Falënderoj Komisionin për Provimin e Noterisë, Komisionin për përzgjedhjen e noterëve dhe stafin mbështetës të Ministrisë për punën dhe angazhimin e tyre profesional.