Komuna e Skënderajt ka bërë të ditur se gajtë këtyre ditëve janë shpeshtuar zjarret në këtë komunë.

Sipas njoftimit, kjo ka ndodhur si pasojë e temperaturave të larta dhe pakujdesosë së njeriut, shkruan Arbresh.info.

“Marrë parasysh temperaturat e larta gjatë këtyre ditëve dhe mungesës së kujdesit të nevojshëm nga njeriu, janë shpeshtuar rastet e zjarreve në komunën tonë, gjendje kjo që po rrezikon shëndetin publik, faunën dhe ambientin”, thuhet në njoftim.

Tutje, komuna u ka bërë thirrje qytetarëve që të bëjnë kujdes dhe të mos u vënë flakën tokave bujqësore.

“Ekipet e Shërbimit të Zjarrfikësve dhe Shpëtimit janë duke bërë të pamundurën, me gjithë rrezikun për jetë, të shuajnë zjarret dhe të ruajnë pasurinë publike dhe private. Komuna e Skenderajt u bënë thirrje të gjithë qytetarëve që të bëjnë kujdesin e shtuar që mos t’u vënë flakën tokave bujqësore, ngase ka dyshime për zjarrëvënie të qëllimshme”, thuhet tutje./Arbresh.info/