Në orët e para të mëngjesit, ka ndodhur një vetaksident në fshatin Hereq (rruga Gjakovë – Pejë)

Përveç dëmeve materiale, një person ka pësuar lëndime trupore me ç’rast është dërguar në Spitalin e Përgjithshëm në Gjakovë.

Lajmin për Arbresh.info e ka konfirmuar zëdhënësi për rajonin e Gjakovës, Sheremet Elezaj.

Ai bëri të ditur se pas trajtimit të nevojshëm, është liruar nga spitali personi që kishte marrë lëndime trupore.

“ Rreth orës 07:00 në fsh. Hereq (rruga Gjakovë-Pejë) ka ndodhur aksident trafiku ku i përfshirë ka qenë një automjet. Përveç dëmeve materiale një person ka pësuar lëndime trupore dhe është dërguar  në Spitalin e Përgjithshëm në Gjakovë (pasi ka pranuar trajtimin e nevojshëm mjekësor është liruar nga spitali)”, tha Elezaj.

“Njësia Rajonale e Komunikacionit Rrugor është duke e trajtuar rastin”, bëri të ditur ai./Arbresh.info/