Kryeministri sllovak Robert Fico është në gjendje të qëndrueshme, por delikate, sipas një zyrtari. Qeveria njoftoi se këshilli i sigurimit të shtetit do të mblidhet sot, ndërsa kabineti do të mblidhet nga ora 11:00.

Plagoset kryeministri i Sllovakisë, Robert Fico

Miriam Lapunikova, drejtoreshë e Spitalit Universitar FD Roosevelt në Banska Bystrica ku u shtrua Fico, tha se kryeministri iu nënshtru një operacioni që zgjati 5 orë.

“Në këtë fazë gjendja e tij është stabilizuar, por është vërtet shumë serioze, ai do të qëndrojë në një njësi të kujdesit intensiv,” u tha ajo gazetarëve.

Momenti kur arrestohet i dyshuari që qëlloi me armë kryeministrin e Sllovakisë

Zëvendëskryeministri Robert Kalinak tha se mjekët kishin arritur të stabilizonin gjendjen e Fitzo-s brenda natës.

Fatkeqësisht situata mbetet shumë e rëndë për shkak të kompleksitetit të lëndimeve, por ne të gjithë duam të besojmë se do të jemi në gjendje ta menaxhojmë situatën”, tha Kalinak.

Ngjarja ka ndodhur në qytetin sllovak të Hadlovës. Ishte përpjekja e parë e madhe për vrasjen e një lideri politik europian në më shumë se 20 vjet dhe u dënua ndërkombëtarisht, me analistët politikë dhe deputetët që thanë se demonstronte klimën politike gjithnjë e më të polarizuar në të gjithë kontinentin.

Ky është personi që plagosi kryeministrin e Sllovakisë, Robert Fico

Atentati ngriti pikëpyetje për sigurinë personale të Fico-s, pasi sulmuesi arriti të qëllonte pesë herë nga afër, pavarësisht se kryeministri shoqërohej nga disa truproja./abcnews.al

Momenti kur arrestohet i dyshuari që qëlloi me armë kryeministrin e Sllovakisë

Kush është kryeministri i Sllovakisë që iu bë atentat?