Presidentja e Kosovës, Vjosa Osmani ka qenë e ftuar nga kryeshefja ekzekutive e MCC-së, Alice Albright  në një tryezë të organizuar në Dallas të Teksasit për të diskutuar për bashkëpunimin në drejtim të adresimit të sfidave zhvillimore.

Me anë të një postimi në Facebook, ajo ka thënë se MCC-ja po luan rol transformues, duke sjellë përfitime të rëndësishme për popullin e Kosovës dhe ekonominë e saj, shkruan Arbresh.info.

“Bashkë me Presidentët e Liberisë, Malaëit e Cabo Verdes, si dhe me kryeministrat e Mauritanisë e Sierra Leones ishim sot të ftuar të Kryeshefes ekzekutive të MCC-së, Alice Albright dhe të përfaqësuesve të shumtë të qeverisë amerikane e të shteteve partnere, në një tryezë të organizuar në Dallas të Teksasit për të diskutuar për bashkëpunimin në drejtim të adresimit të sfidave zhvillimore.”, ka shkruar Osmani.

“MCC-ja po luan rol transformues, duke sjellë përfitime të rëndësishme për popullin e Kosovës dhe ekonominë e saj.”, shtoi ajo.

Ndryshe, Osmani po qëndron në vizitë zyrtare në Teksas të SHBA-ve /Arbresh.info./