Ne kuadër të aktivitet policore me komunitet, sot Njësia Sektoriale dhe Komunitetit nga Stacioni Policor në Gjilan, në bashkëpunim me KFOR-in turk ,Drejtorinë e Arsimit Komunal në Gjilan kanë realizuar projektin “Së bashku drejt synimit për të ardhmen”.

Në bazë të këtij aktiviteti, 34 nxënës multi-etnik nga shkollat fillore të Gjilanit kanë marrë pjese në këtë projekt duke vizituar kampin ushtarak të KFOR-it turk “Sulltan Murat” në Prizren.

Gjate kësaj vizite, nxënësit kanë pasur aktivitete të ndryshme rekreative si lojëra dhe gara të ndryshme sportive.

Të gjitha këto aktivitete janë realizuar nën shoqërimin e mësimdhënësve nga shkollat e tyre, përfaqësuesit nga DKA-ja dhe nga zyrtarë policor nga Njësia Sektoriale dhe Komunitetit të Stacionit Policor Gjilan./Arbresh.info