Forcat izraelite vranë 14 palestinezë gjatë një bastisjeje në Bregun Perëndimor gjatë fundjavës, ndërsa një shofer ambulance u vra teksa shkoi për të marrë të plagosurit nga një sulm i tjetër i kolonëve të dhunshëm hebrenj, thanë autoritetet palestineze.

Forcat izraelite filluan një bastisje të zgjatur në orët e para të së premtes në zonën Nur Shams, pranë qytetit palestinez të Tulkarmit ku Brigadat Tulkarm, të cilat grupojnë forca nga fraksione të shumta palestineze, thanë se luftëtarët e saj shkëmbyen zjarr me forcat izraelite të shtunën Bregu Perëndimor, një zonë rreth 100 km e gjatë dhe 50 km e gjerë që ka qenë në zemër të konfliktit izraelito-palestinez që kur u pushtua nga Izraeli në luftën e Lindjes së Mesme të vitit 1967.

Lufta e Gazës ka lënë në hije dhunën e vazhdueshme në territor, duke përfshirë sulmet e rregullta të ushtrisë ndaj grupeve militante, sulmet nga kolonët agresivë hebrenj në fshatrat palestineze dhe sulmet në rrugë nga palestinezët ndaj izraelitëve. Autoritetet shëndetësore palestineze thanë se të paktën 14 palestinezë, dy prej të cilëve u identifikuan nga burimet dhe zyrtarët palestinezë si një person i armatosur dhe një djalë 16-vjeçar, u vranë gjatë bastisjes, ku të paktën katër ushtarë izraelitë u plagosën në shkëmbimet e zjarrit.

Ndërkohë kryeministri Benjamin Netanyahu është zotuar të refuzojë çdo sanksion ndaj ushtrisë së vendit, pas raportimeve se SHBA planifikon të shkurtojë ndihmën për njësinë Izraelite Netzah Yehuda mbi shkeljet e dyshuara të të drejtave të njeriut në Bregun e pushtuar perëndimor./rtk