Marsi i vitit 2024 ishte marsi më i ngrohtë i regjistruar ndonjëherë në botë, duke iu bashkuar serisë së temperaturave të larta rekord që kanë ndjekur njëra-tjetrën në muajt e fundit, njoftoi Observatori Evropian i Kopernikut, duke folur gjithashtu për një rekord të ri mujor të temperaturës absolute në dete e tokë.

Marsi i vitit 2024 ishte gjithashtu 1,68°C më i ngrohtë se mesatarja për periudhën 50 vjeçare 1850-1900, periudhë referuese e epokës paraindustriale.

Sipas Kopernikut, është muaji i dhjetë me radhë që renditet si më i ngrohti i regjistruar. Që nga qershori 2023, Toka ka thyer rekorde të nxehtësisë çdo muaj.

Një kontribut i madh në këtë fenomen lidhet me valët e të nxehtit detar në zona të mëdha të oqeaneve.

Para publikimit të të dhënave të Kopernikut, viti 2023 ishte konfirmuar si viti më i ngrohtë i regjistruar që nga 1850, me rritjen e temperaturës mesatare globale afër kufirit prej 1,5 gradë celsius (1,48°C krahasuar me nivelin para-industrial)./abcnews.al