KQZ: I kemi pranuar listat e nënshkrimeve edhe nga tri komunat tjera të veriut, do t’i trajtojmë në bazë të ligjit

15:33 | 25 Janar 2024
K.B

Zëdhënësi për media në Komisionin Qendror të Zgjedhjeve, Valmir Elezi, ka thënë se sot i kanë pranuar kërkesat për verifikim të nënshkrimeve të mbledhura edhe në komunat, Mitrovicë e Veriut, Zveçan dhe Leposaviq.

Elezi për Arbresh.info bën të ditur se të njëjtën listë ditë më parë e kishin pranuar edhe nga Zubin Potoku.

“Mund t’ua konfirmoj se gjatë ditës së sotme kemi pranuar edhe kërkesat për verifikim të nënshkrimeve të mbledhura në komunat: Mitrovicë e Veriut, Zveçan dhe Leposaviq. Ndërkaq, siç kemi njoftuar, më parë kemi pranuar edhe kërkesën të njëjtë edhe nga Zubin Potoku”, tha ai.

Ai tha se KQZ në përputhje me legjislacionin në fuqi, do të verifikojë listën e nënshkrimeve,

“KQZ, në përputhje me legjislacionin në fuqi, do të verifikojë listën e nënshkrimeve, pra nëse nënshkruesit janë qytetarë me të drejt vote në komunën përkatëse”, ka thënë Elezi./Arbresh.info/