Të paktën 18 persona kanë humbur jetën dhe 130 kanë mbetur të plagosur si pasojë e sulmeve ruse në Ukrainë në 24 orët e fundit.

Lajmi u bë i ditur nga presidenti ukrainas Volodymyr Zelensky.

“130 persona janë plagosur dhe kanë marrë ndihmë mjekësore. Fatkeqësisht, 18 persona humbën jetën”, tha presidenti ukrainas në një video-mesazh.

Shumica e viktimave u shënuan në rrethet qendrore Solomianskyi dhe Sviatoshynsky perëndimore të Kievit.

Në rrethin Sviatoshinsky, disa ndërtesa banimi u dëmtuan. Disa orë pas sulmeve, shërbimet e urgjencës nisën kërkimet në vendngjarje, pasi dyshojnë se mund të ketë pjesë raketash të pashpërthyera.

Tre rajone të tjera të Kievit u dëmtuan gjithashtu nga pjesë raketash, pasi mbrojtja ajrore i ndaloi ruse gjatë sulmit. Forcat ajrore të Ukrainës njoftuan se shkatërruan 21 nga 41 raketat e lëshuara nga Rusia gjatë natës.

Sulmet me raketa në qytetet e Ukrainës janë tani një realitet vdekjeprurës i kësaj lufte dhe sulmet janë intensifikuar javët e fundit./abcnews.al