Ish-ministri i jashtëm i Kosovës, Enver Hoxhaj, përmes një shkrimi ka thënë se veprimet e kryera nga grupi terrorist Hamas kundër Izraelit, na kujtojnë tmerret e kryera nga grupi terrorist ISIS.

Hoxhaj, përmes një shkrimi në rrjetin social Twitter, ka shkruar se si një mik i Izraelit dhe me Kosovën duke qenë aleate e fortë e këtij shteti, Kosova qëndron fort përkrah Izraelit në luftën e tij kundër terrorizmit.

“Si një mik i Izraelit dhe me Kosovën duke qenë një aleate e fortë e Izraelit, ne qëndrojmë fort përkrah Izraelit në luftën e tij kundër terrorizmit dhe të drejtën e tij legjitime për të mbrojtur popullin, shtetësinë dhe sigurimin e tyre.”, ka shkruar Hoxhaj.

Tutje, në shkrimin pasues ai thote se veprimet terroriste të kryera nga Hamasi kundër Izraelit dhe popullit të tij, janë thellësisht shqetësuese dhe të kujtojnë tmerret e kryera nga ISIS.

“Veprimet terroriste të kryera nga Hamasi kundër Izraelit dhe popullit të tij janë thellësisht shqetësuese dhe të kujtojnë tmerret e kryera nga ISIS. Unë besoj fuqishëm se nuk mund të ketë kompromis kur bëhet fjalë për luftimin e terrorizmit. Mendimet e mia janë me Izraelin dhe familjet e viktimave.”, ka shkruar tutje Hoxhaj./Arbresh.info/