Fillon pastrimi i deponisë ilegale te rrethi i madh në Prishtinë, Rama paralajmëron gjoba për ndotësit e ambientit

20:56 | 5 Tetor 2023
E.H

Ka filluar pastrimi i deponisë ilegale të mbeturinave përgjatë hekurudhës te rrethi i madh në dalje të Prishtinës.

Kështu ka njoftuar, kryetari i Prishtinës, Përparim Rama teksa ka lutur qytetarët që mos hedhin mbeturina, shkruan Arbresh.info.

Rama bëri të ditur se me pprojektrregulloren e re për mënaxhimin e mbeturinave, parashihen gjoba të mëdha për ata përsona që hudhin mbeturina jashtë zonës së caktuar.

“Me projektrregulloren e re për menaxhimin e mbeturinave në Kryeqytet e cila së shpejti do të procedohet në Kuvend për votim, parashihen gjoba të mëdha për personat që hedhin mbeturina jashtë zonës së caktuar. Po ashtu do të vendosen kamera për të identifikuar shkelësit”, ka shkruar Rama në rrjetin social Facebook./Arbresh.info/