Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, priti në një takim lamtumirës ambasadorin e Zvicrës në Kosovë, Thomas Kolly.

Në këtë takim, u bisedua mbi forcimin e bashkëpunimit, potencialin për zhvillim të Kosovës dhe mundësitë që vendi ynë ofron për investim, shkruan Arbresh.info.

Ambasadori Kolly nga ana e tij veçoi sektorin e TI dhe suksesin e Kosovës në këtë drejtim.

“Bisedat miqësore mes zëvendëskryeministrit Bislimi dhe ambasadorit Kolly, kanë qenë të shpeshta e të frytshme.”, thuhet në njoftimin Zyrës së Kryeministrit.

Edhe në këtë takim lamtumirës ata e vlerësuan njëri tjetrin për gatishmërinë për bashkëpunim dhe kontributin e vazhdueshëm në forcimin e marrëdhënieve mes shteteve tona.

Duke i uruar suksese të mëtejme në angazhimet e radhës, Bislimi e falënderoi ambasadorin për kontributin e tij dhe ritheksoi se Zvicra mbetet partnere e rëndësishme me të cilën ndajmë vlera të përbashkëta./Arbresh.info