Osasuna mund të përballet me një dënim nga La Liga, pasi tifozët bënë thirrje fyese ndaj Mason Greenwood gjatë ndeshjes së së dielës me Getafen.

Greenwood, i huazuar nga Manchester United , bëri paraqitjen e parë për klubin e tij të ri duke ardhur nga stoli si zëvendësues në pjesën e dytë të fitores 3-2 në “Coliseum Alfonso Perez”, shkruan Arbresh.info.

Ndërsa një numër i tifozëve vendas brohoritën prezantimin e 21-vjeçarit në minutën e 77-të, një pjesë e tifozëve si mysafirë në stadium brohorisnin “Greenwood, vdis”.

Ai luajti një rol në golin e fitores, gjuajtja e tij u bllokua edhe nga këndi që shënoi Nemanja Maksimovic.

Mësohet se vëzhguesi zyrtar i ndeshjes së La Ligës kanë dëgjuar thirrjet dhe kanë nisur një proces ligjor e disiplinor që do të vijojë tani.

I pyetur nga The Athletic për të komentuar thirrjet, trajneri i Osasuna, Jogoba Arrasate i dënoi ato, ndërsa tregoi gjithashtu talljet nga tifozët vendas në drejtim të tij.

Paraqitja ishte e para e Greenwood në një lojë konkurruese për 19 muaj.

Ai iu bashkua Getafes në një huazim një sezon më 1 shtator./Arbresh.info/