Ad Banner
Ad Banner
Ad Banner
Ad Banner

Rama: Në gjashtë mujorin e parë të këtij viti, Komuna e Prishtinës ka nënshkruar 231 kontrata

11:47 | 5 Shtator 2023
Diellza Gashi

Kryetari i Komunës së Prishtinës, Përparim Rama, ka treguar për arritjet në kryeqytet gjatë këtij viti.

Përmes një postimi në Facebook, Rama ka thënë se është duke u bërë një super punë në terren, falë kontratave të nënshkruara me operatorë ekonomikë, shkruan Arbresh.info.

I pari i Prishtinës ka treguar se vetëm në gjashtëmujorin e parë të vitit 2023, kjo komunë ka nënshkruar 231 kontrata me kompani të ndryshme për realizimin e projekteve, vlera e të cilave është 55 milionë euro.

Sipas tij, këto shifra tregojnë se Prishtina është në rrugë të mbarë të shpenzimeve të buxhetit.

“Një rritje prej 43% i kontratave mesatare mujore, në krahasim me vitin e kaluar, që ishin 19 ndërsa këtë vit 33.  Gjatë gjithë vitit të kaluar janë nënshkruar 229 kontrata në vlerën e 35 milionë eurove.  Këto shifra na tregojnë se jemi në rrugë të mbarë për shpenzimin e buxhetit më shumë se çdo vit tjetër më pare”, ka shkruar Rama./Arbresh.info/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm