Komandanti i KFOR-it, Angelo Michele Ristuccia ka zhvilluar sot një takim me kryeministrin e Malit të Zi, Dritan Abazoviq.

Ristuccia këtë takim e ka cilësuar si shumë të frytshëm, e bashkë me Abazoviqin të pranishëm ishin edhe Sekretari Shtetëror i Ministrisë së Mbrojtjes, Krsto Peroviq dhe Shefi i Shtabit të Përgjithshëm të Forcave të Armatosura të Malit të Zi.

Me anë të një postimi në Twitter, Gjeneral Ristuccia i falënderoi ata për kontributin e madh të Malit të Zi për KFOR-in dhe se Abazoviq e Ristuccia diskutuan për situatën e përgjithshme në zonë dhe përpjekjet e vazhdueshme të KFOR-it për siguri të qëndrueshme në Kosovë dhe në mbarë rajonin.

“KFOR vlerësoi rolin strategjik të Malit të Zi në stabilitetin e Ballkanit Perëndimor”, thuhet tutje në postim./Arbresh.info

H.E. Dritan Abazovic and Major General Ristuccia discussed about the general situation in the area and KFOR’s continued efforts for lasting security in Kosovo and across the region. COMKFOR appreciated Montenegro’s strategic role in the stability of Western Balkans. pic.twitter.com/t8iEiNe9hg

— NATO Kosovo Force – KFOR (@NATO_KFOR) August 24, 2023