Prokuroria Themelore në Pejë ka bërë kërkesë për caktimin e masës së paraburgimit ndaj Tush Frokajt, të dyshuarit kryesor për vrasjen e Anton Prelajt në Klinë.

Lajmin për Arbresh.info e ka konfirmuar zëdhënësi i Prokurorisë Themelore në Pejë, Shkodran Nikçi.

Nikçi ka deklaruar se kërkesa në fjalë i është dorëzuar departamentit për krime të rënda.

Ai shtoi se seanca e procedurës paraprake do të mbahet sot, ku edhe do të shqyrtohet kërkesa e Prokurorisë për masën e paraburgimit për të dyshuarin Frrokaj.

“Është bërë kërkesa për caktimin e masës së paraburgimit, prokurori i shtetit ka dorëzuar kërkesën në departmentin për krime të rënda. Njëkohësisht, gjatë ditës së sotme do të mbahet seanca e procedurës paraprake, do të shqyrtohet kërkesa e prokurorit të shtetit që t’i caktohet masa e paraburgimit personit të pandehur, Tush Frrokaj” deklaroi Nikçi./Arbresh.info/

lexo edhe:

Tush Frroku, i dyshuar për vrasjen në kafiterinë e Klinës, dorëzohet në Polici